Medea (Euripides)

Medea (altgriech. Μήδεια) isch e Dragöödie, wo dr griechisch Dichder Euripides 431 v. d. Z. verfasst het.

S Stück basiert uf dr Argonautesaag us dr griechische Müthologii. D Köönigsdochder Medea verliebt sich in Jason, wo us dr Fremdi choo isch, und hilft em s goldige Vlies z stääle. Si verrootet für in iiri äigeni Familie und dr Jason verspricht, ass er si wurd hüroote. Si faare zrugg und lande schliesslig z Korinth. Zää Joor häi so dört glücklig gläbt, bis dass d Dochder vom Köönig Kreon sich in Jason verliebt het. Dä het d Medea druf verstoosse. D Medea het sich am Jason grächt und sogar iiri äigene Chinder döödet.